Cofair: national_identity_all
Cymhwysedd: Person
Math: Deillio newidyn
Diffiniad
Hunaniaeth genedlaethol unigolyn yw'r ffordd y mae'r unigolyn hwnnw yn asesu ei hunaniaeth ei hun, gallai olygu'r wlad neu'r gwledydd lle mae'n teimlo ei fod yn perthyn, neu sy'n teimlo fel cartref iddo. Nid yw'n dibynnu ar grŵp ethnig na dinasyddiaeth.
Gallai ymatebwyr ddewis mwy nag un hunaniaeth genedlaethol.
Dosbarthiad
Cyfanswm nifer y categorïau: 17
| Cod | Enw |
|---|---|
| 1 | Hunaniaeth Brydeinig yn unig |
| 2 | Hunaniaeth Seisnig yn unig |
| 3 | Hunaniaeth Seisnig a Phrydeinig yn unig |
| 4 | Hunaniaeth Gymreig yn unig |
| 5 | Hunaniaeth Gymreig a Phrydeinig yn unig |
| 6 | Hunaniaeth Albanaidd yn unig |
| 7 | Hunaniaeth Albanaidd a Phrydeinig yn unig |
| 8 | Hunaniaeth Gwyddelig Gogledd Iwerddon yn unig |
| 9 | Hunaniaeth Gwyddelig Gogledd Iwerddon a Phrydeinig yn unig |
| 10 | Hunaniaeth Gernywaidd yn unig |
| 11 | Hunaniaeth Gernywaidd a Phrydeinig yn unig |
| 12 | Unrhyw gyfuniad arall o hunaniaethau Deyrnas Unedig yn unig |
| 13 | Hunaniaeth Wyddelig yn unig |
| 14 | Gwyddelig ac o leiaf un o hunaniaethau'r Deyrnas Unedig |
| 15 | Hunaniaeth arall yn unig |
| 16 | Hunaniaeth arall ac o leiaf un o hunaniaethau'r Deyrnas Unedig |
| -8 | Ddim yn gymwys* |
*Myfyrwyr a phlant ysgol sy’n byw i ffwrdd o'r cartref yn ystod y tymor.
Gweld pob dosbarthiad hunaniaeth genedlaethol.
Ansawdd gwybodaeth
Mae’n bosibl bod y cynnydd ers Cyfrifiad 2011 yn nifer y bobl sy’n nodi eu bod nhw’n “Brydeiniwr/Brydeinwraig” a’r gostyngiad yn nifer y bobl sy’n nodi eu bod nhw’n “Sais/Saesnes” yn adlewyrchu’n rhannol y gwir newidiadau mewn hunanganfyddiad. Mae hefyd yn debygol o adlewyrchu bod “Prydeiniwr/Prydeinwraig” wedi cymryd lle “Sais/Saesnes” fel yr opsiwn ymateb cyntaf yn y rhestr ar yr holiadur yn Lloegr.
Cefndir
Darllenwch am sut y gwnaethom ddatblygu a phrofi'r cwestiynau ar gyfer Cyfrifiad 2021 (yn Saesneg).
Cymharedd â Chyfrifiad 2011
Cymaradwy yn fras
Fel arfer, gellir cymharu'r newidyn deilliedig hwn â'r un newidyn a ddefnyddiwyd yng Nghyfrifiad 2011, ond mae rhai problemau o ran ansawdd y data.
Beth yw ystyr cymaradwy yn fras?
Mae newidyn sy’n gymaradwy yn fras yn golygu y gellir ei gymharu’n gyffredinol â’r un newidyn a ddefnyddiwyd yng Nghyfrifiad 2011. Fodd bynnag, efallai bod newidiadau wedi'u gwneud i'r cwestiwn neu'r opsiynau y gallai pobl ddewis ohonynt neu sut mae atebion ysgrifenedig yn cael eu dosbarthu.
Cymariaethau rhwng Cymru, Lloegr, Gogledd Iwerddon a'r Alban
Ddim yn gymaradwy
Mae'r hunaniaethau cenedlaethol sydd wedi'u cynnwys yn y newidyn ar gyfer Cymru a Lloegr yn wahanol i'r rhai sydd wedi'u cynnwys yn y newidynnau a gynhyrchwyd gan yr Alban a Gogledd Iwerddon.
Beth yw ystyr ddim yn gymaradwy?
Mae newidyn nad yw'n gymaradwy (neu sydd ‘ddim yn gymaradwy’) yn golygu na ellir ei gymharu ar gyfer Cymru, Lloegr, yr Alban na Gogledd Iwerddon.
Dysgwch fwy am newidynnau a luniwyd ar gyfer Cyfrifiad 2021 yng Ngogledd Iwerddon (yn Saesneg) a Chyfrifiad 2022 yn yr Alban (yn Saesneg).
Data Cyfrifiad 2021 sy’n defnyddio’r newidyn hwn
Rydym yn defnyddio newidynnau o ddata Cyfrifiad 2021 i ddangos canfyddiadau mewn gwahanol ffyrdd.
Gallwch chi:
- gael y set ddata hunaniaeth genedlaethol (yn Saesneg)
- weld data hunaniaeth genedlaethol ar fap (yn Saesneg)
- ddarllen sut mae ardal wedi newid mewn 10 mlynedd (yn Saesneg)
- weld data hunaniaeth genedlaethol ar gyfer ardal ar Nomis (gwasanaeth Swyddfa Ystadegau Gwladol) (yn Saesneg)
Fel arall, gallwch hefyd greu set ddata wedi’i deilwra (yn Saesneg).