Cofair: has_ever_worked
Cymhwysedd: Person
Math: Newidyn safonol
Diffiniad
Yn dosbarthu pobl nad oeddent mewn cyflogaeth ar Ddiwrnod y Cyfrifiad i:
- Ddim mewn cyflogaeth: Wedi gweithio yn ystod y 12 mis diwethaf
- Ddim mewn cyflogaeth: Heb weithio yn ystod y 12 mis diwethaf
- Ddim mewn cyflogaeth: Erioed wedi gweithio
Dosbarthiad
Cyfanswm nifer y categorïau: 4
| Cod | Enw |
|---|---|
| 1 | Ddim mewn cyflogaeth: Wedi gweithio yn ystod y 12 mis diwethaf |
| 2 | Ddim mewn cyflogaeth: Heb weithio yn ystod y 12 mis diwethaf |
| 3 | Ddim mewn cyflogaeth: Erioed wedi gweithio |
| -8 | Ddim yn gymwys* |
*Myfyrwyr a phlant ysgol sy’n byw i ffwrdd o'r cartref yn ystod y tymor, a phlant 15 oed neu'n iau.
Ansawdd gwybodaeth
Gan fod Cyfrifiad 2021 yn ystod cyfnod unigryw o newid cyflym, cymerwch ofal wrth ddefnyddio data’r Farchnad Lafur at ddibenion cynllunio.
Cwestiwn a ofynnwyd
Ydych chi erioed wedi gwneud unrhyw waith am dâl?
- Ydw, yn ystod y 12 mis diwethaf
- Ydw, ond nid yn ystod y 12 mis diwethaf
- Nac ydw, erioed wedi gweithio
Yng Nghyfrifiad 2021, cafodd y cwestiwn ei ddiwygio er mwyn gofyn am statws cyflogaeth rhywun. Diweddarwyd yr opsiynau y gallai pobl ddewis ohonynt er mwyn adlewyrchu'r newid hwn.
Cefndir
Darllenwch am sut y gwnaethom ddatblygu a phrofi'r cwestiynau ar gyfer Cyfrifiad 2021 (yn Saesneg).
Pam rydym ni’n gofyn y cwestiwn hwn
Mae'r atebion yn helpu cymunedau lleol drwy alluogi elusennau, sefydliadau ac awdurdodau lleol i nodi ble mae angen gweithredu er mwyn mynd i'r afael â chyfraddau cyflogaeth isel yn eu hardal.
Mae'r ateb hefyd yn helpu awdurdodau lleol i wneud cynlluniau sy'n cefnogi symiau mawr o wariant cyhoeddus, er enghraifft, creu swyddi, cyfleoedd addysgol a gwasanaethau iechyd.
Dechreuodd y cyfrifiad ofyn cwestiynau am gyflogaeth yn 1851.
Cymharedd â Chyfrifiad 2011
Ddim yn gymaradwy
Newidiodd y cwestiwn ar hanes cyflogaeth rhwng cyfrifiad 2011 a 2021.
Beth yw ystyr ddim yn gymaradwy?
Mae newidyn sydd ddim yn gymaradwy yn golygu na ellir ei gymharu â newidyn o Gyfrifiad 2011.
Cymariaethau rhwng Cymru, Lloegr, Gogledd Iwerddon a'r Alban
Cymaradwy yn fras
Nid yw'r newidyn a gynhyrchwyd ar gyfer Cymru a Lloegr a'r Alban yn rhoi gwybodaeth am nifer y bobl sydd mewn gwaith, sy'n wahanol i'r newidyn a gynhyrchwyd gan Ogledd Iwerddon.
Beth yw ystyr cymaradwy yn fras?
Mae newidyn sy'n gymaradwy yn fras yn golygu y gall allbynnau o Gyfrifiad 2021 yng Nghymru a Lloegr gael eu cymharu'n gyffredinol â'r Alban a Gogledd Iwerddon. Gall gwahaniaethau o ran y ffordd y cafodd y data eu casglu neu eu cyflwyno olygu bod llai o allu i gysoni allbynnau yn llawn, ond byddem yn disgwyl gallu eu cysoni rywfaint o hyd.
Dysgwch fwy am newidynnau a luniwyd ar gyfer Cyfrifiad 2021 yng Ngogledd Iwerddon (yn Saesneg) a Chyfrifiad 2022 yn yr Alban (yn Saesneg).
Data Cyfrifiad 2021 sy’n defnyddio’r newidyn hwn
Rydym yn defnyddio newidynnau o ddata Cyfrifiad 2021 i ddangos canfyddiadau mewn gwahanol ffyrdd.
Gallwch chi:
Fel arall, gallwch hefyd greu set ddata wedi’i deilwra (yn Saesneg).