Cofair: number_bedrooms
Cymhwysedd: Cartref
Math: Newidyn safonol
Diffiniad
Nifer yr ystafelloedd gwely mewn cartref.
Nid yw'r nifer hwn ar gael ar gyfer lleoedd cartref lle nad oes unrhyw breswylwyr arferol.
Dosbarthiad
Cyfanswm nifer y categorïau: 5
| Cod | Enw |
|---|---|
| 1 | 1 ystafell wely |
| 2 | 2 ystafell wely |
| 3 | 3 ystafell wely |
| 4 | 4 neu fwy o ystafelloedd gwely |
| -9 | Ddim yn gymwys |
Gweld pob dosbarthiad nifer yr ystafelloedd gwely.
Cwestiwn a ofynnwyd
Sawl ystafell wely sydd at ddefnydd aelodau o’r cartref hwn yn unig?
Yng Nghyfrifiad 2021, roedd y cwestiwn yn gyfuniad o'r cwestiwn â dwy ran a ofynnwyd yng Nghyfrifiad 2011.
Cefndir
Darllenwch am sut y gwnaethom ddatblygu a phrofi'r cwestiynau ar gyfer Cyfrifiad 2021 (yn Saesneg).
Pam rydym ni’n gofyn y cwestiwn hwn
Mae'r ateb yn helpu cymunedau drwy alluogi awdurdodau lleol i ddeall prinder tai neu gartrefi gorlawn yn eu hardal, a mynd i'r afael â hyn.
Dechreuodd y cyfrifiad ofyn y cwestiwn hwn yn 2011.
Cymharedd â Chyfrifiad 2011
Cymaradwy yn fras
Rydym wedi dileu'r categori “0 ystafell wely”.
Beth yw ystyr cymaradwy yn fras?
Mae newidyn sy’n gymaradwy yn fras yn golygu y gellir ei gymharu’n gyffredinol â’r un newidyn a ddefnyddiwyd yng Nghyfrifiad 2011. Fodd bynnag, efallai bod newidiadau wedi'u gwneud i'r cwestiwn neu'r opsiynau y gallai pobl ddewis ohonynt neu sut mae atebion ysgrifenedig yn cael eu dosbarthu.
Cymariaethau rhwng Cymru, Lloegr, Gogledd Iwerddon a'r Alban
Ddim yn gymaradwy
Nid yw'r newidyn hwn yn gymaradwy am nad yw'r data ar gael ar gyfer pob gwlad.
Beth yw ystyr ddim yn gymaradwy?
Mae newidyn nad yw'n gymaradwy (neu sydd ‘ddim yn gymaradwy’) yn golygu na ellir ei gymharu ar gyfer Cymru, Lloegr, yr Alban na Gogledd Iwerddon.
Dysgwch fwy am newidynnau a luniwyd ar gyfer Cyfrifiad 2021 yng Ngogledd Iwerddon (yn Saesneg) a Chyfrifiad 2022 yn yr Alban (yn Saesneg).
Data Cyfrifiad 2021 sy’n defnyddio’r newidyn hwn
Rydym yn defnyddio newidynnau o ddata Cyfrifiad 2021 i ddangos canfyddiadau mewn gwahanol ffyrdd.
Gallwch chi:
- gael y set ddata nifer yr ystafelloedd gwely (yn Saesneg)
- weld data nifer yr ystafelloedd gwely ar fap (yn Saesneg)
Fel arall, gallwch hefyd greu set ddata wedi’i deilwra (yn Saesneg).
Setiau data eraill sy’n defnyddio’r newidyn hwn
- Cyfansoddiad y cartref yn ôl nifer yr ystafelloedd gwely (yn Saesneg)
- Deiliadaeth yn ôl maint y cartref a nifer yr ystafelloedd gwely (yn Saesneg)
- Nifer yr ystafelloedd gwely yn ôl y math o gartref ac oedran plant dibynnol (yn Saesneg)
- Nifer yr ystafelloedd gwely yn ôl deiliadaeth ac oedran plant dibynnol (yn Saesneg)