Cofair: religion
Cymhwysedd: Person
Math: Newidyn safonol
Diffiniad
Y grefydd y mae pobl yn cysylltu neu'n uniaethu â hi (eu hymlyniad crefyddol), p'un a ydynt yn ei harfer neu'n credu ynddi ai peidio.
Roedd y cwestiwn hwn yn wirfoddol ac mae'r newidyn yn cynnwys pobl a atebodd y cwestiwn, gan gynnwys "Dim crefydd", ochr yn ochr â'r rhai a ddewisodd beidio ag ateb y cwestiwn hwn.
Mae'r newidyn hwn yn dosbarthu pobl i'r 8 opsiwn ymateb â blwch ticio. Caiff ymatebion ysgrifenedig eu dosbarthu yn ôl eu hymlyniad crefyddol "gwreiddiol", gan gynnwys ‘Dim crefydd’, pan fo'n gymwys.
Dosbarthiad
Cyfanswm nifer y categorïau: 58
| Cod | Enw |
|---|---|
| 1 | Cristnogaeth |
| 2 | Bwdhaeth |
| 3 | Hindŵaeth |
| 4 | Iddewiaeth |
| 5 | Islam |
| 6 | Siciaeth |
| 7 | Crefydd arall: Alevi |
| 8 | Dim crefydd: Agnostig |
| 9 | Dim crefydd: Anffyddiwr |
| 10 | Dim crefydd: Meddyliwr Rhydd |
| 11 | Dim crefydd: Dyneiddiwr |
| 12 | Dim crefydd: Dim crefydd |
| 13 | Dim crefydd: Realydd |
| 14 | Crefydd arall: Animistiaeth |
| 15 | Crefydd arall: Baha'i |
| 16 | Crefydd arall: Credu mewn Duw |
| 17 | Crefydd arall: Brahma Kumari |
| 18 | Crefydd arall: Crefydd Tsieineaidd |
| 19 | Crefydd arall: Eglwys Pob Crefydd |
| 20 | Crefydd arall: Conffiwsiad |
| 21 | Crefydd arall: Deist |
| 22 | Crefydd arall: Derwydd |
| 23 | Crefydd arall: Druze |
| 24 | Crefydd arall: Eckankar |
| 25 | Crefydd arall: Anghred |
| 26 | Crefydd arall: Jain |
| 27 | Crefydd arall: Crefydd Cymysg |
| 28 | Crefydd arall: Cyfriniaeth |
| 29 | Crefydd arall: Eglwys Americanaidd Frodorol |
| 30 | Crefydd arall: Yr Oes Newydd |
| 31 | Crefydd arall: Yr Ocwlt |
| 32 | Crefydd arall: Crefyddau eraill |
| 33 | Crefydd arall: System Hunan-Gred |
| 34 | Crefydd arall: Pagan |
| 35 | Crefydd arall: Holl-dduwiaeth |
| 36 | Crefydd arall: Rastaffariad |
| 37 | Crefydd arall: Ravidassia |
| 38 | Crefydd arall: Adferwr |
| 39 | Crefydd arall: Sataniaeth |
| 40 | Crefydd arall: Seientoleg |
| 41 | Crefydd arall: Siamaniaeth |
| 42 | Crefydd arall: Shintoaeth |
| 43 | Crefydd arall: Ysbrydol |
| 44 | Crefydd arall: Ysbrydegydd |
| 45 | Crefydd arall: Taöydd |
| 46 | Crefydd arall: Theistiaeth |
| 47 | Crefydd arall: Thelemiad |
| 48 | Crefydd arall: Crefydd Affricanaidd Draddodiadol |
| 49 | Crefydd arall: Eglwys Uniad |
| 50 | Crefydd arall: Cyffredinolwr |
| 51 | Crefydd arall: Valmiki |
| 52 | Crefydd arall: Vodun |
| 53 | Crefydd arall: Wicca |
| 54 | Crefydd arall: Dewiniaeth |
| 55 | Crefydd arall: Yazidi |
| 56 | Crefydd arall: Zoroastriad |
| 57 | Heb ateb |
| -8 | Ddim yn gymwys* |
*Myfyrwyr a phlant ysgol sy’n byw i ffwrdd o'r cartref yn ystod y tymor.
Gweld pob dosbarthiad crefydd (manwl).
Ansawdd gwybodaeth
Mae rhai materion ansawdd yn y data a allai effeithio ar sut rydych chi’n defnyddio’r data.
Cwestiwn a ofynnwyd
Beth yw eich crefydd?
- Dim crefydd
- Cristnogaeth (pob enwad)
- Bwdhaeth
- Hindŵaeth
- Iddewiaeth
- Islam
- Siciaeth
- Unrhyw grefydd arall, nodwch
Roedd y cwestiwn a'r opsiynau y gallai pobl ddewis ohonynt yr un peth yng Nghyfrifiad 2021 ac yng Nghyfrifiad 2011.
Cefndir
Darllenwch am sut y gwnaethom ddatblygu a phrofi'r cwestiynau ar gyfer Cyfrifiad 2021 (yn Saesneg).
Pam rydym ni’n gofyn y cwestiwn hwn
Mae'r ateb yn helpu cymunedau drwy alluogi llywodraeth leol a chanolog i gynllunio gwasanaethau yn well a neilltuo adnoddau ar gyfer eu hardal.
Gall y GIG ac awdurdodau lleol ddefnyddio'r wybodaeth hon i helpu i gynllunio a monitro gwasanaethau i bobl leol o amrywiaeth eang o gefndiroedd crefyddol. Gallai hyn gynnwys polisïau am gaplaniaid ysbytai a gwybodaeth i'r cyhoedd.
Bydd yr ateb yn helpu cyrff cyhoeddus i drin pawb yn deg, yn unol â'u dyletswyddau cyfreithiol ynghylch cydraddoldeb, a nodi achosion o wahaniaethu neu allgáu cymdeithasol ar sail crefydd a gweithio i'w hatal rhag digwydd.
Dechreuodd y cyfrifiad ofyn y cwestiwn hwn yn 2001.
Cymharedd â Chyfrifiad 2011
Cymaradwy yn fras
Rydym wedi ychwanegu'r categorïau Crefydd arall: Alevi, Crefydd arall: Valmiki a Crefydd arall: Yazidi at y newidyn deilliedig hwn.
Mae'r ddau gategori Dim crefydd: Marchog Jedi a Dim crefydd: Metel Trwm wedi'u cynnwys yn y rhiant-gategori Dim crefydd.
Beth yw ystyr cymaradwy yn fras?
Mae newidyn sy’n gymaradwy yn fras yn golygu y gellir ei gymharu’n gyffredinol â’r un newidyn a ddefnyddiwyd yng Nghyfrifiad 2011. Fodd bynnag, efallai bod newidiadau wedi'u gwneud i'r cwestiwn neu'r opsiynau y gallai pobl ddewis ohonynt neu sut mae atebion ysgrifenedig yn cael eu dosbarthu.
Cymariaethau rhwng Cymru, Lloegr, Gogledd Iwerddon a'r Alban
Ddim yn gymaradwy
Nid yw'r newidyn hwn yn gymaradwy am nad yw'r data ar gael ar gyfer pob gwlad.
Beth yw ystyr ddim yn gymaradwy?
Mae newidyn nad yw'n gymaradwy (neu sydd ‘ddim yn gymaradwy’) yn golygu na ellir ei gymharu ar gyfer Cymru, Lloegr, yr Alban na Gogledd Iwerddon.
Dysgwch fwy am newidynnau a luniwyd ar gyfer Cyfrifiad 2021 yng Ngogledd Iwerddon (yn Saesneg) a Chyfrifiad 2022 yn yr Alban (yn Saesneg).
Data Cyfrifiad 2021 sy’n defnyddio’r newidyn hwn
Rydym yn defnyddio newidynnau o ddata Cyfrifiad 2021 i ddangos canfyddiadau mewn gwahanol ffyrdd.
Gallwch chi: