Cofair: in_full_time_education
Cymhwysedd: Person
Math: Newidyn safonol
Diffiniad
Mae'r newidyn hwn yn nodi a ddywedodd ymatebydd 5 oed a throsodd ei fod mewn addysg amser llawn ar Ddiwrnod y Cyfrifiad, 21 Mawrth 2021. Mae hyn yn cynnwys plant ysgol a myfyrwyr sy'n oedolion mewn addysg amser llawn.
Caiff plant ysgol a myfyrwyr mewn addysg amser llawn sy'n astudio i ffwrdd o'r cartref eu hystyried fel pe baent yn byw fel arfer yn eu cyfeiriad yn ystod y tymor.
Dosbarthiad
Cyfanswm nifer y categorïau: 3
| Cod | Enw |
|---|---|
| 1 | Myfyriwr |
| 2 | Ddim yn fyfyriwr |
| -8 | Ddim yn gymwys* |
*Mae’r categori “Ddim yn gymwys” yn cynnwys plant 4 oed ac iau.
Cwestiwn a ofynnwyd
Ydych chi’n blentyn ysgol neu’n fyfyriwr mewn addysg amser llawn?
- Ydw
- Nac ydw
Roedd y cwestiwn a'r opsiynau y gallai pobl ddewis ohonynt yr un peth yng Nghyfrifiad 2021 ac yng Nghyfrifiad 2011.
Cefndir
Darllenwch am sut y gwnaethom ddatblygu a phrofi'r cwestiynau ar gyfer Cyfrifiad 2021 (yn Saesneg).
Pam rydym ni’n gofyn y cwestiwn hwn
Mae'r ateb yn helpu cymunedau drwy alluogi llywodraeth leol a chanolog i gynllunio gwasanaethau a neilltuo adnoddau ar gyfer eu hardal. Maent yn seilio eu cynlluniau ar nifer y bobl sy'n byw yn eu hardal, felly mae'n bwysig eu bod nhw'n gwybod faint o blant ysgol a myfyrwyr sydd yn y gymuned leol.
Dechreuodd y cyfrifiad ofyn y cwestiwn hwn yn 1851.
Cymharedd â Chyfrifiad 2011
Cymaradwy yn fras
Rydym wedi tynnu'r categori “Plentyn ysgol neu fyfyriwr amser llawn” ar gyfer Cyfrifiad 2021 a defnyddio “Myfyriwr” yn ei le. Yng Nghyfrifiad 2011, gofynnwyd i bobl 4 oed a throsodd ateb y cwestiwn. Yng Nghyfrifiad 2021, gofynnwyd i bobl 5 oed a throsodd ateb y cwestiwn.
Beth yw ystyr cymaradwy yn fras?
Mae newidyn sy’n gymaradwy yn fras yn golygu y gellir ei gymharu’n gyffredinol â’r un newidyn a ddefnyddiwyd yng Nghyfrifiad 2011. Fodd bynnag, efallai bod newidiadau wedi'u gwneud i'r cwestiwn neu'r opsiynau y gallai pobl ddewis ohonynt neu sut mae atebion ysgrifenedig yn cael eu dosbarthu.
Cymariaethau rhwng Cymru, Lloegr, Gogledd Iwerddon a'r Alban
Cymaradwy yn fras
Yn y newidyn a gynhyrchwyd ar gyfer Cymru a Lloegr, gofynnwyd i bobl pump oed a throsodd ateb y cwestiwn. Yng Ngogledd Iwerddon a'r Alban, gofynnwyd i bobl pedair oed a throsodd ateb y cwestiwn.
Beth yw ystyr cymaradwy yn fras?
Mae newidyn sy'n gymaradwy yn fras yn golygu y gall allbynnau o Gyfrifiad 2021 yng Nghymru a Lloegr gael eu cymharu'n gyffredinol â'r Alban a Gogledd Iwerddon. Gall gwahaniaethau o ran y ffordd y cafodd y data eu casglu neu eu cyflwyno olygu bod llai o allu i gysoni allbynnau yn llawn, ond byddem yn disgwyl gallu eu cysoni rywfaint o hyd.
Dysgwch fwy am newidynnau a luniwyd ar gyfer Cyfrifiad 2021 yng Ngogledd Iwerddon (yn Saesneg) a Chyfrifiad 2022 yn yr Alban (yn Saesneg).
Data Cyfrifiad 2021 sy’n defnyddio’r newidyn hwn
Rydym yn defnyddio newidynnau o ddata Cyfrifiad 2021 i ddangos canfyddiadau mewn gwahanol ffyrdd.
Gallwch chi:
- gael y set ddata dangosydd plentyn ysgol neu fyfyriwr amser llawn (yn Saesneg)
- weld data dangosydd plentyn ysgol neu fyfyriwr amser llawn ar fap (yn Saesneg)
- weld data dangosydd plentyn ysgol neu fyfyriwr amser llawn ar gyfer ardal ar Nomis (gwasanaeth Swyddfa Ystadegau Gwladol) (yn Saesneg)
Setiau data eraill sy’n defnyddio’r newidyn hwn
- Tarddiad a chyrchfan pobl a symudodd o gyfeiriad myfyriwr yn ystod y tymor neu gyfeiriad ysgol breswyl yn y Deyrnas Unedig yn ystod y flwyddyn cyn y cyfrifiad yn ôl oedran yn ôl rhyw ac yn ôl statws myfyriwr (yn Saesneg)
- Tarddiad a chyrchfan pobl a symudodd o gyfeiriad myfyriwr yn ystod y tymor neu gyfeiriad ysgol breswyl yn y Deyrnas Unedig yn ystod y flwyddyn cyn y cyfrifiad yn ôl Dosbarthiad Economaidd-gymdeithasol Ystadegau Gwladol (NS-SEC) yn ôl rhyw ac yn ôl statws myfyriwr (yn Saesneg)
- Tarddiad a chyrchfan pobl a symudodd o gyfeiriad myfyriwr yn ystod y tymor neu gyfeiriad ysgol breswyl yn y Deyrnas Unedig yn ystod y flwyddyn cyn y cyfrifiad yn ôl grŵp ethnig yn ôl rhyw ac yn ôl statws myfyriwr (yn Saesneg)
- Tarddiad a chyrchfan pobl a symudodd o gyfeiriad myfyriwr yn ystod y tymor neu gyfeiriad ysgol breswyl yn y Deyrnas Unedig yn ystod y flwyddyn cyn y cyfrifiad yn ôl pasbort yn ôl rhyw ac yn ôl statws myfyriwr (yn Saesneg)
- Myfyrwyr amser llawn yn ôl oedran (yn Saesneg)