Os gofynnwyd i chi gymryd rhan yn yr Arolwg Barn a Ffordd o Fyw Ar-lein
Ewch i'n tudalen astudiaeth Barn a Ffordd o Fyw a rhowch y cod mynediad unigryw sydd ar eich llythyr gwahoddiad. Os oes angen help arnoch, ffoniwch ni am ddim ar 0800 298 5313. Nid oes angen unrhyw wybodaeth arbenigol arnoch i gymryd rhan
Os hoffech ddefnyddio ein harolwg omnibws i gasglu eich data
Gallwn roi eich cwestiynau i'r cyhoedd.
Byddwch yn rhoi cyfres o gwestiynau i ni rydych am eu gofyn i'r boblogaeth, a byddwn ni'n gwneud y gweddill: cynllunio a phrofi'r holiadur, ymgymryd â'r gwaith casglu data, glanhau'r data, a chyflwyno set ddata i chi y gellir ei defnyddio i ddadansoddi data. Rydym yn cynnig casgliad dull cymysg ar gyfer yr Arolwg Barn a Ffordd o Fyw, sy'n golygu y gwahoddir ymatebwyr i gymryd rhan drwy holiadur hunangwblhau ar-lein. Fel arall, os bydd angen, bydd un o'n cyfwelwyr medrus iawn yn cynnal y cyfweliad dros y ffôn. Gallwn gasglu data o ansawdd uchel o amrywiaeth eang o fathau o gwestiynau a phynciau.
Rydym yn cynnig
maint sampl ar gyfartaledd o 1,100 y mis, o bobl 16 oed a throsodd sy'n byw mewn cartrefi preifat ym Mhrydain Fawr
polisi codi tâl clir a thryloyw
hyblygrwydd llwyr - o 1 i 40 o gwestiynau fesul modiwl
detholiad eang o newidynnau dosbarthiadol (dadansoddiadau data), gan gynnwys nodweddion daearyddol, cymdeithasol a chyflogaeth
cyngor arbenigol am ddim i sicrhau eich bod yn dylunio ac yn dadansoddi eich cwestiynau yn y ffordd orau posibl
casglu data yn fisol am 8 allan o 12 mis (Ionawr, Chwefror, Ebrill, Mai, Gorffennaf, Awst, Hydref a Thachwedd)
Byddwch yn cael
set ddata ddienw ar lefel ymatebydd gan gynnwys newidynnau dosbarthiadol ar gyfer pob ymatebydd
adroddiad arolwg ar lefel uchel yn cynnwys gwybodaeth dechnegol, cyfraddau ymateb a chyfrifiadau amlder, a dogfennaeth holiadur yn dangos y llwybrau a'r testun ar gyfer y cleient a'r newidynnau dosbarthiadol
ffeil Excel yn dangos camgymeriadau samplu a newidynnau dosbarthiadol
Defnyddio'r arolwg
Mae ein methodoleg yn cydymffurfio â'r Cod Ymarfer ar gyfer Ystadegau, ac rydym yn llunio nifer o gyhoeddiadau o'r arolwg a ddynodir yn Ystadegau Gwladol. Mae hyn yn ein gwneud yn wahanol i ddulliau samplu omnibws mewn lleoliadau ar hap sy'n seiliedig ar gwota.
Mae gennym hanes sicr o feithrin dealltwriaeth ar gyfer gwaith datblygu, monitro a gwerthuso yn seiliedig ar dystiolaeth yn y meysydd canlynol:
addysg
iechyd
economi a threthiant
trafnidiaeth
diogelwch bwyd
gwyddoniaeth a thechnoleg
symudedd cymdeithasol
cyfiawnder cymdeithasol a throseddol
Beth alla i ei ofyn?
Mae gennym le ar gyfer 30 munud o gwestiynau cleient ar gyfer pob mis mae'r arolwg yn rhedeg. Gall eich cwestiynau gwmpasu bron pob pwnc a gallant fod yn seiliedig ar farn neu ar ffeithiau. Mae'r gwasanaeth hwn yn ddefnyddiol iawn ar gyfer:
pennu'r lefel o gefnogaeth i bolisi
gwerthuso effeithiolrwydd ymgyrchoedd ymwybyddiaeth
nodi agweddau cymdeithasol a gwleidyddol
nodi amlygrwydd ymddygiadau penodol
gwerthuso lefelau boddhad â gwasanaeth
mesur lefelau defnyddio nwyddau neu wasanaethau
profi neu dreialu cwestiynau cyn iddynt gael eu defnyddio mewn arolygon ar raddfa fwy
Rhagor o wybodaeth
I gael rhagor o wybodaeth am yr Arolwg Barn a Ffordd o Fyw, gweler y canllaw methodoleg a'r adroddiad gwybodaeth ar ansawdd a methodoleg. Mae'r erthygl Opinions and Lifestyle Survey: mixed mode pilot analysis yn cyflwyno trosolwg o'r rhaglen gynhwysfawr o ymchwil a phrofi sydd wedi cael ei chynnal i lywio'r gwaith o drawsnewid yr arolwg